ಉದ್ದೇಶ ಮತ್ತು ಕಥೆ

ಯುವಾಬ್ರಿಗೇಡ್ ಸ್ವಯಂ ಸೇವಾ ಸಂಘಟನೆಯಾಗಿದ್ದು ಹಲವು ಆಯಾಮಗಳಲ್ಲಿ ನಿರಂತರವಾಗಿ ಸಾಮಾಜಿಕ ಕೆಲಸಗಳನ್ನು ಮಾಡುತ್ತಾ ಬಂದಿದೆ. ೨೦೧೪ರಲ್ಲಿ ಸ್ವಾಮಿ ವಿವೇಕಾನಂದರ ವಾಣಿಯನ್ನು ಆದರ್ಶವಾಗಿರಿಸಿಕೊಂಡು ಪ್ರಾರಂಭಗೊಂಡ ಯುವಾಬ್ರಿಗೇಡ್ ಇಂದು ರಾಜ್ಯದ ಮೂಲೆ-ಮೂಲೆಗೂ ಹಬ್ಬಿರುವುದಷ್ಟೇ ಅಲ್ಲದೆ, ದೇಶದ ವಿವಿಧೆಡೆ ಸೇವಾ ಕೆಲಸಗಳನ್ನು ಕೈಗೊಂಡು ಸಾರ್ವಜನಿಕರ ಪ್ರಶಂಸೆಗೆ ಪಾತ್ರವಾಗಿದೆ.

• ಯುವಾಬ್ರಿಗೇಡ್ ಕಾರ್ಯಕರ್ತರು ತಮ್ಮ ಊರುಗಳಲ್ಲಿ ಪ್ರತಿ ವಾರ ಒಟ್ಟಿಗೆ ಸೇರಿ ವಿವಿಧ ಕೆಲಸಗಳನ್ನು ಕೈಗೆತ್ತಿಕೊಳ್ಳುತ್ತಾರೆ.
• ಕಲ್ಯಾಣಿ, ನದಿ, ಸಮುದ್ರ ಹಾಗು ಬೆಟ್ಟ-ಗುಡ್ಡಗಳ ಸ್ವಚ್ಛತೆಯಿಂದ ರಾಷ್ಟ್ರಕ್ಕಾಗಿ ದುಡಿದ ಮಹಾನ್ ಚೇತನಗಳ ಕುರಿತಾದ ಚಿತ್ರ ಪ್ರದರ್ಶನಗಳವರೆಗೂ, ಬೈಕ್ ರ್ಯಾಲಿ ಗಳಿಂದ ವ್ಯಕ್ತಿತ್ವ ವಿಕಾಸ ಕಾರ್ಯಾಗಾರಗಳವರೆಗೂ, ಶಾಲೆ, ಆಸ್ಪತ್ರೆ, ಬಸ್ ನಿಲ್ದಾಣ ಸ್ವಚ್ಛತೆಯಿಂದ ವಿದ್ಯಾರ್ಥಿಗಳಿಗೆ ವಿಜ್ಞಾನದ ಮಾದರಿಗಳನ್ನು ತೋರಿಸಿ ತಿಳಿಸಿಕೊಡುವುದರ ವರೆಗೂ - ದೇಶ ಕಟ್ಟುವಲ್ಲಿ ಉಪಯುಕ್ತವಾದ ಎಲ್ಲ ಕೆಲಸಗಳಲ್ಲೂ ನಮ್ಮ ತಂಡ ತೊಡಗಿಸಿಕೊಂಡಿದೆ.
• ನಮ್ಮ ಮಾರ್ಗದರ್ಶಕರ ತಂಡ ನವೀನ ಸಮಾಜಮುಖಿ ಯೋಜನೆಗಳನ್ನು ರೂಪಿಸುತ್ತದೆ. ಈ ಕೆಲಸಗಳು ಕಾರ್ಯಕರ್ತರಿಗೆ ನಿಸ್ವಾರ್ಥ ಸೇವೆಯ ತೃಪ್ತಿಯ ಜೊತೆಗೆ ತಮ್ಮ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಲು ಉತ್ತಮ ಅವಕಾಶಗಳನ್ನು ನೀಡುತ್ತವೆ.