ಸುಮ್ಮನೆ ಬರಲಿಲ್ಲ ಸ್ವಾತಂತ್ರ್ಯ

ಭಾರತದ ಸ್ವಾತಂತ್ರ್ಯ ಹೋರಾಟ ಬಲು ವಿಶಿಷ್ಟವಾದ್ದು. ಸಾವಿರ ತೊರೆಗಳು ಸೇರಿ ಒಂದು ನದಿಯಾಗಿ ಹರಿಯುವಂತೆ ಇದು. ಈ ಹೋರಾಟದಲ್ಲಿ ಜಾತಿ-ಮತ-ಪಂಥಗಳ ಭೇದವಿರಲಿಲ್ಲ. ಸಿರಿವಂತ ಬಡವನೆಂಬ ಪ್ರಶ್ನೆ ಇರಲಿಲ್ಲ. ಸನ್ಯಾಸಿ-ಭಕ್ತವೃಂದ ಎಂಬ ಅಂತರವಿರಲಿಲ್ಲ. ಕೊನೆಗೆ ರಾಜ ಮಹಾರಾಜರಿಂದ ಹಿಡಿದು ಸಾಮಾನ್ಯ ಜನರವರೆಗೆ ಪ್ರತಿಯೊಬ್ಬರೂ ಹೋರಾಟದಲ್ಲಿ ಭಾಗವಹಿಸಿದ್ದಾರೆ. ದುರದೃಷ್ಟವೆಂದರೆ ನಮ್ಮ ಪಠ್ಯಪುಸ್ತಕಗಳು ಸಮಗ್ರವಾಗಿ ಈ ಹೋರಾಟದ ಕಲ್ಪನೆಯನ್ನು ಕಟ್ಟಿಕೊಡುವಲ್ಲಿ ಸೋತುಹೋಗಿವೆ. ಭಾರತದ ನೈಜ ಇತಿಹಾಸವನ್ನು ಒಮ್ಮೆ ಅವಲೋಕಿಸಬೇಕೆಂಬ ಆಕಾಂಕ್ಷೆ ಎಲ್ಲರಿಗೂ ಇದೆ. ಅದನ್ನು ಸೂಕ್ತವಾಗಿ ತಲುಪಿಸುವ ಸಣ್ಣ ಪ್ರಯತ್ನವನ್ನು ಈ ಕೃತಿಯ ಮೂಲಕ ಮಾಡಲಾಗಿದೆ.